شئ رائع وغريب في نفس الوقت، بلغتني رسالة من محمود كمال باعتلي فيها اللينك ده وبيوقلي "بقيت نجم :)" الكابل قاطع النت عن الدنيا، بدخل من الموبيل، الموقع محجوب "شئ طبيعي في السعودية أن أي موقع محجوب وشوية ويكون مفتوح تاني"

المهم لما روحت السكن بفتح الموقع -بيفتح ببطئ عشان كابل البحر المقطوع- حمل العنوان "محبي حازم خالد" توقعت أنه حازم خالد لاعب الأهلي في الثمانينات، لكن تفجأت بصورتي !!!

شئ أكثر من رائع من أصدقائك، أحساس غريب !! تخيل صديق لك وقف تحت البيت وقال بصوت عالي "بحبك يا فلان" مش فاهم !!

فجأه أحساس بالخوف شعور بأني في وضع أكبر مني بكثير فجأه تضاعف حبك لهؤلاء الأصدقاء أحساس بالتقصير تجاهم أحساس بالهم !؟ أزاي أعبرلهم أنهم عملو حاجة كبير عمري ما هنساها ؟ أحساس بالخوف كبيييييير بجد

صراحة كنت متلخبط ومرتبك لثاني يوم، مش عارف أسجل في الجروب وأشكرهم، ولا أطلب منهم يلغوه ورسالتهم وصلت وأشكرهم جداً جداً جداً !! أه مهو صراحة لو حد مش صديقي شاف أسم الجروب هيقول مين ده عملينه عمرو دياب !!

بس في جميع الأحيان أصدقاء أكثر من رائعين وكل شوية بيتضاعف أحساسي بأني مدين لهم بتعبيرهم الجميل ده